काठमाडौँ । सरकारले तिर्न बाँकी ऋण २७ खर्ब ४३ अर्ब नाघेको छ । गत भदौ मसान्तसम्म सरकारले तिर्न बाँकी ऋण २७ खर्ब ४३ अर्ब ३७ करोड रुपैयाँ पुगेको हो ।

यो नेपालको कुल ग्राहस्थ उत्पादन (जिडीपी)को ४४.९२ प्रतिशत हो । 

सरकारको कुल सार्वजनिक ऋणमध्ये आन्तरिक ऋणको हिस्सा १२ खर्ब ८१ अर्ब ८२ करोड रुपैयाँ र बाह्य ऋणको हिस्सा १४ खर्ब ६१ अर्ब ५४ करोड रुपैयाँ रहेको सार्वजनिक ऋण व्यवस्थापन कार्यालयले बताएको छ ।

त्यस्तै, यसवर्ष सरकारले ५ खर्ब ९५ अर्ब रुपैयाँ सार्वजनिक ऋण उठाउने लक्ष्य राखेको छ । जसअन्तर्गत सरकारले साउनसम्म ७९ अर्ब १५ करोड रुपैयाँ ऋण उठाइसकेको छ ।