काठमाडौँ । जिल्ला प्रशासन कार्यालय काठमाडौंले चक्रपथ क्षेत्रभित्र कर्फ्यु लगाएको छ । विहान ८ बजेदेखि लागु हुनेगरी काठमाडौँमा कर्फ्यु लगाइएको हो । अर्को आदेश नभएसम्मका लागि कर्फ्यु अनिश्चितकालीन भनिएको छ ।

हिजो लगाइएको कर्फ्यु आज विहान ५ बजे सकिएको थियो । प्रशासन कार्यालयका अनुसार काठमाडौं महानगरपालिकाको बालकुमारी पुलदेखि कोटेश्वर चोक, सिनामंल, गौशाला, चाबहिल, नारायणगोपाल चोक, गोंगबु, बालाजु, स्वयम्भु, कलंकी, बल्खु हुँदै बागमती नदी पुलसम्मको चक्रपथभित्रको सम्पूर्ण भूभागमा कर्फ्यु लगाइएको हो ।

कर्फ्यु अवधिभर अत्यावश्यक सेवाका सवारी साधनहरुबाहेक अन्यलाई आउजाउ गर्न, सभा जुलुस गर्न वा कुनै पनि प्रकारको प्रदर्शन गर्न रोक लगाइएको जिल्ला प्रशासन कार्यालयले जनाएको छ ।