काठमाडौँ । पूर्वप्रधानमन्त्री केपी शर्मा ओली र पूर्व गृहमन्त्री रमेश लेखकलाई देश छोड्न प्रतिबन्ध लगाइएको छ । जेनजी आन्दोलनका क्रममा अस्वभाविक बल प्रयोग गरेकै कारण अनुसन्धान भइरहेको भन्दै न्यायिक जाँचबुझ आयोगले ओली र लेखकलाई विदेश जान प्रतिबन्ध लगाएको हो । 

ओली र लेखकसँगै न्यायिक समितिले पूर्वगृहसचिव गोकर्णमणि दुवाडी, राष्ट्रिय अनुसन्धान विभागका पूर्वप्रमुख हुतराज थापा र पूर्वप्रमुख जिल्ला अधिकारी छविलाल रिजाललाई पनि देश छोड्न रोक लगाएको छ ।

त्यस्तै, उनीहरुले उपत्यका बाहिर जाँदा पनि आयोगको अनुमति लिनुपर्नेछ । हुतराज थापाले अनुसन्धान विभागले प्रमुखबाट अवकाश पाइसकेका छन् भने रिजाललाई प्रमुख जिम्मेवारीबाट हटाइएको छ ।

यता ओली र लेखकसहित पाँचजनालाई देश छोड्न प्रतिबन्ध लगाइएपछि जेनजीहरु उत्साहित बनेका छन् । देश छोड्न प्रतिबन्ध लागेपछि उनीहरुलाई सरकारले छिट्टै पक्राउ गर्ने भन्दै उनीहरु उत्साहित बनेका हुन् । ओली र लेखकपछि अन्य नेताहरुमाथि पनि कारवाहीको डण्डा चल्ने स्पष्ट संकेत सरकारले देखाएपछि जेनजीहरु ‘अब देश बन्छ’ भन्दै खुसी भएका छन् ।