काठमाडौँ । साताको कारोबारको चौथो दिन बुधबार सेयर बजार मापक नेप्से परिसूचक घटेको छ । बुधबार नेप्से परिसूचक १५.६४ अंकले घटेर २७२६.३३ बिन्दुमा पुगेको हो ।
नेप्सेमा कुल ३२६ कम्पनीको १ करोड १३ लाख ४५ हजार ९९४ कित्ता सेयर खरिद बिक्री हुँदा रू. ४ अर्ब ७२ करोडमाथिको सेयर कारोबार भएको छ । आज सबैभन्दा धेरै कारोबार युनियन हाइड्रोपावर लिमिटेडको भएको छ । यस कम्पनीको ३३ करोड ८० लाख रुपैयाँ बराबरको कारोबार भएको छ ।
आजको बजारमा हिमस्टार उर्जा कम्पनीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ ।
यता, लिवर्टी इनर्जी कम्पनी लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको छ ।
