काठमाडौँ । नेपाल प्रहरीले जेनजी आन्दोलनका नाममा लुटपाट गर्नेको खोजी सुरु गरेको छ । देशभर आन्दोलनका नाममा लुटपाट, आगजनी र आपराधिक गतिविधिको अत्याधिक गुनासो आउन थालेपछी प्रहरीले आन्दोलनका नाममा लुटपाट गर्नेलाई खोज्न सुरु गरेको हो ।
प्रहरीले हाल आगजनी र लुटपाट भएका ठाउँमा कैद भएका फोटो र भिडियो हेरेर आपराधिक गतिविधिमा संलग्नहरुको खोजी कार्य गरिरहेको छ ।
प्रहरीले सूचना नै जारी गरेर आन्दोलनका नाममा आपराधिक गतिविधि गर्नेहरुको खोजी भइरहेको र खोजीकार्यमा सघाउन अपिल समेत गरेको थियो । प्रहरीले आफूसँग भएका फोटो-भिडियो उपलब्ध गराउन पनि आग्रह गरेको थियो ।
हाल प्रहरीले सिसिटभी फुटेज, सो बेलामा कैद भएका फोटो र भिडियोका आधारमा लुटपाटमा संलग्न दर्जनौँलाई पक्राउ गरिरहेको छ । अन्यको पनि खोजी भइरहेको प्रहरीले जनाएको छ ।
