काठमाडौँ । प्रहरीको केन्द्रीय अनुसन्धान ब्युरो (सीआईबी)को टोलीले तत्कालीन परराष्ट्रमन्त्री आरजु राणाको बाआमा बस्ने घरमा पछि छापा हानेको छ ।
सीआईबीको टोलीले आरजुका बाआमा बस्ने ललितपुरको जावलाखेलस्थित घरमा छापा हानेको सीआईबी स्रोतले पुष्टि गरेको छ ।
आरजुको बाआमा बस्ने घरमा छापा हानेको सीआईबीको टोलीले केही कागजात नियन्त्रणमा लिएको स्रोतले बताएको छ । तर, कागजात के सम्बन्धी हुन ? भन्ने खुलाइएको छैन ।
यसअघि सीआईबीले आरजुका भाइ भूषणको घरमा पनि छापा हानेको थियो । लगत्तै उनको बाआमा बस्ने घरमा पनि सीआईबीले छापा हानेको हो । अर्बौंको धनसम्पत्ति लुकाएको आशंकापछि घरमा छापा हानेको स्रोतले बताएको छ ।
