काठमाडौँ । लामो दूरीका गाडीहरु आज पनि नचल्ने भएका छन् । सडकको अवस्था अझै पनि सामान्य भइनसकेकाले आज पनि काठमाडौँदेखि लामो दूरीका गाडीलाई उपत्यका छोड्न रोक लगाइएको हो ।

काठमाडौँ उपत्यका ट्राफिक प्रहरी कार्यालयका अनुसार टिकट बुकिङ पनि रोकिएको छ ।

भारी वर्षाका कारण विभिन्न ठाउँमा सडक बिग्रिएको र पहिरोको जोखिम पनि रहेकाले शनिबारदेखि रोकिएका गाडीहरुलाई आज पनि काठमाडौँबाट बाहिरिन रोक लगाइएको ट्राफिक प्रहरी कार्यालयले जनाएको छ ।

त्यस्तै, टिकट लिइसकेका यात्रुलाई भने पैसा फिर्ता गरिएको छ । सडकको अवस्थामा सामान्य भएपछि मात्र टिकट बुकिङ सुरु गर्न पनि यातायात व्यवसायीहरुलाई निर्देशन दिइएको छ ।