काठमाडौँ । सेयर विश्लेषक मनिष अर्यालले छठपछि बजार बढ्ने बताएका छन् । अर्थ सरोकारको टेलिभिजन कार्यक्रम ‘तथ्य र तर्क’मा कुराकानी गर्दै अर्यालले यस्तो बताएका हुन् ।

अहिले नेपालको सेयर बजारमा परिसूचकसँगै कारोबार रकम पनि घटिरहेका बेला लगानीकर्ताको मनोबल घट्दा बजार बढ्न नसकेको अर्यालको भनाई छ । तर, यही बेला स्मार्ट मनिले भने सेयर किनिरहेको अर्यालले बताएका छन् । 

‘अहिले बजारमा लगानीकर्ताहरु डराएको अवस्था छ । बजार बढ्न थालेपछी लगानी गरौँला भनेर बसेका छन् ।’, उनले भने, ‘तर खासमा यो लगानी गर्ने समय हो । स्मार्ट मनिले अहिले सेयर किनिरहेको छ । छठपछि बजार बढ्छ । जब बजार १०० पोइन्ट बढ्छ, तब मात्र लगानीकर्ताको मनोबल बढ्छ । छठपछि बजार बढ्नेमा म ढुक्क छु ।’

त्यस्तै, उनले अहिले नीतिगत रुपमा गरिएका परिवर्तनको प्रभाव बजारले छठपछि देखाउने दाबी गरेका छन् । उनले अहिले बजारलाई जेन-जी आन्दोलन र फेस्टिभ मुडले बजार ड्राई देखिए पनि छठपछि बजार बढ्ने बताएका छन् । अर्यालसँग गरिएको थप कुराकानी भिडियोमा हेर्नुहोस्ः