काठमाडौँ । त्रिभुवन विश्वविद्यालयले पुनः परीक्षा गर्ने निर्णय गरेको छ । जेन-जी आन्दोलनका क्रममा उत्तरपुस्तिका जलेपछि उत्तरपुस्तिका जलेर नष्ट भएको परीक्षा केन्द्रमा पुनः परीक्षा गर्ने त्रिविले निर्णय गरेको हो ।
जेन-जी आन्दोलनका क्रममा तीनवटा परीक्षा केन्द्रमा ५ सय ५२ जना विद्यार्थीको उत्तरपुस्तिका जलेर नष्ट भएको थियो ।
परीक्षा नियन्त्रण कार्यालय, बल्खुका अनुसार स्नातक तह दोस्रो वर्ष (४ वर्षे) को व्यवस्थापन, मानविकी तथा सामाजिकशास्त्र र शिक्षाशास्त्र संकायतर्फको परीक्षाको उत्तरपुस्तिका जलेर नष्ट भएका छन् । सुरक्षाका लागि भन्दै प्रहरी चौकीमा राखिएको उत्तरपुस्तिका चौकीमा आगजनी हुँदा जलेका थिए ।
आन्दोलनमा उत्तरपुस्तिका जलेपछि त्रिवि केन्द्रीय परीक्षा सञ्चालक समितिले सो परीक्षा रद्द गरी पुनः परीक्षा गर्ने निर्णय गरेको हो । योसँगै उत्तरपुस्तिका जलेका केन्द्रहरुमा पुनः परीक्षा हुने भएको छ ।
