काठमाडौँ । शिक्षा मन्त्री महाविर पुनले मतदाता नामावली (भोटर लिस्ट)मा नाम दर्ता गराएका छन् । उनले सामाजिक सञ्जाल मार्फत पहिलो पटक नयाँ बानेश्वरमा गएर मतदाता नामावलीमा नाम दर्ता गराएको जानकारी दिएका हुन् ।

उनले सामाजिक सञ्जालबाटै जेन-जी पुस्तालाई मतदाता नामावलीमा नाम दर्ता गर्न पनि आग्रह गरेका छन् ।

उनले लेखेका छन्- ‘१८ बर्ष पुगेका जेनजी पुस्ताका सम्पूर्ण भाई बहिनीहरुलाई अल्छी नगरिकन फाल्गुन २१ गतेको आम चुनावमा भाग लिनको लागि नाम दर्ता गर्न हार्दिक अनुरोध गर्दछु ।’

त्यस्तै, उनले अब आउने सरकार जेन-जी पुस्ताको बन्नुपर्ने भन्दै बुढो पुस्ताले देश बनाउने नसक्ने पनि दाबी गरेका छन् । ‘भगवान कसम बुढो पुस्ताले देशलाई समृद्ध बनाउन एक सक्दैन, दुइ सक्दैन, तीन सक्दैन, सक्दै सक्दैन ।’, उनले लेखेका छन् ।