काठमाडौँ । नेपाली काँग्रेसका नेता तथा पूर्व गृहमन्त्री रमेश लेखकले मतदान गरेका छन् । उनले कञ्चनपुरबाट मतदान गरेका हुन् ।

लेखकले कञ्चनपुरको निर्वाचन क्षेत्र नम्बर ३ को वेदकोट नगरपालिका–८ स्थित बैजनाथ मावि गयलनदी केन्द्रबाट मतदान गरेका हुन् । तर, उनी यसपटक चुनावी मैदानमा छैनन् ।

काँग्रेस सभापति गगन थापाले कञ्चनपुर–३ मा हरिबहादुर बोहरालाई उम्मेदवार बनाएपछि लेखकले टिकट पाएका थिएनन् । तर, उनले बोहरालाई खुलेरै साथ दिएका छन् ।

भदौ २३ र २४ गते भएको जेन–जी आन्दोलनमा आन्दोलनकारी मारिँदा लेखक नै गृहमन्त्री थिए । तर, उनले जेन–जी आन्दोलनमा गोली चलाउन आफूले कुनै निर्देशन नदिएको दाबी गर्दै आएका छन् ।