काठमाडौँ । सरकारले आगामी ५ वर्षमा गरिबीको दर १० प्रतिशतमा झार्ने लक्ष्य लिएको छ । मंगलबार ‘राष्ट्रिय प्रतिबद्धता’ सार्वजनिक गर्दै सरकारले ५ वर्षमा गरिबी दर १० प्रतिशतमा झार्ने लक्ष्य लिएको हो ।

हाल नेपालको गरिबी दर २०.२७ प्रतिशत छ । तर, आउँदो ५ वर्षभित्र सो दर आधाले घटाउने सरकारले लक्ष्य लिएको छ ।

‘निजी, सहकारी र सार्वजनिक क्षेत्रबीच सन्तुलित र पूरक विकासको मोडल मार्फत आर्थिक तथा सामाजिक असमानता न्यूनीकरण गरी पाँच वर्षमा बहुआयामिक गरिबीको दर १० प्रतिशतमा झारिनेछ ।’ प्रतिबद्धतामा उल्लेख छ ।