काठमाडौँ । साताको कारोबारको दिन शुक्रबार सेयर बजार मापक नेप्से परिसूचक बढेको छ । शुक्रबार नेप्से परिसूचक १.५४ अंकले बढेर २७८८.७० बिन्दुमा पुगेको हो ।

नेप्सेमा कुल ३५१ कम्पनीको १ करोड २१ लाख ७४ हजार ५१६ कित्ता सेयर खरिद बिक्री हुँदा रू. ५ अर्ब २७ करोडमाथिको सेयर कारोबार भएको छ । आज सबैभन्दा धेरै कारोबार रिडी पावर कम्पनी लिमिटेडको भएको छ । यस कम्पनीको २७ करोड ३८ लाख रुपैयाँ बराबरको कारोबार भएको छ ।

आजको बजारमा पाल्पा सिमेन्टका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, १०% प्राइम डेबेञ्चरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ४ प्रतिशतभन्दा धेरैले घटेको छ ।