काठमाडौँ । राष्ट्रिय स्वतन्त्र पार्टी (रास्वपा) का सांसद जगदीश खरेलले आफूले स्मार्ट टेलिकममा घोटाला गरेको प्रमाणित भए राजनीतिक जीवनबाटै सन्यास लिने बताएका छन् । सोमबार प्रतिनिधि सभा बैठकमा आकस्मिक समयमा बोल्दै उनले यस्तो बताएका हुन् । 

पूर्वसञ्चारमन्त्री समेत रहेका खरेलले उक्त प्रकरणमा आफूलाई जोडेर सार्वजनिक भएका समाचारप्रति आपत्ति जनाएका छन् । 

‘म चुनौति दिन चाहन्छु, स्मार्ट टेलिकम प्रकरणमा मैले घोटाला त परै जाओस् मिटिङ मात्रै गरिएको रहेछ भने पनि मेरो सम्पूर्ण राजनीतिक जीवनबाट सधैँका लागि बिदा लिन तयार हुन्छु ।’, खरेलले भने ।

त्यस्तै, पूर्वसञ्चारमन्त्री खरेलले स्मार्ट टेलिकम घोटाला प्रकरणमा आफूलाई जोडेर प्रतिष्ठामा आँच पुर्याउने गलत मनसायका साथ प्रकाशन गरिएको पनि बताएका छन् ।