काठमाडौँ । नेपाल इन्भेष्टमेन्ट मेगा बैंकका प्रमुख कार्यकारी अधिकृत (सिइओ) ज्योति प्रकाश पाण्डेले बैंक छोडेका छन् । बैंकका एक सञ्चालकले उनले बैंक छोडेको पुष्टि गरे । 

उनको कार्यकालसमेत सकिँदै थियो । पछिल्लो समय उनी सरकारी स्वामित्वमा रहेको स्मार्ट सेलको सम्पत्ति लिलाम गरेको प्रकरणमा अनुसन्धानमा तानिएका थिए । 

बैंकले पाण्डेको बहिर्गमनसँगै हाल डेपुटी सिइओ रहेका महेश शर्मा ढकाललाई सिइओ बनाउने तयारी गरेको छ । 

यस्तै नेपाल नागरिक उड्डयन प्राधिकरणका पूर्व एमडी प्रदिप अधिकारीसँगको शंकास्पद कारोबारमा मुछिएपछि असिस्टेन्ट जनरल मेनेजर जेनु थापाले समेत बैंक छोडेकी छिन् । थापामाथि अधिकारीको कालो धनलाई सेटलमेन्ट गरेको आरोप छ ।