काठमाडौँ । साताको कारोबारको अन्तिम दिन शुक्रबार सेयर बजार मापक नेप्से परिसूचक घटेको छ । शुक्रबार नेप्से परिसूचक ८.३० अंकले घटेर २६५३.४० बिन्दुमा पुगेको हो ।

नेप्सेमा कुल ३४५ कम्पनीको ८५ लाख ८४ हजार ४०१ कित्ता सेयर खरिद बिक्री हुँदा रू. ४ अर्ब ४१ करोडमाथिको सेयर कारोबार भएको छ । आज सबैभन्दा धेरै कारोबार अग्रिकल्चार डेभलपमेन्ट बैंकको भएको छ । यस कम्पनीको ४३ करोड रुपैयाँ बराबरको कारोबार भएको छ ।

आजको बजारमा सानिगाड हाइड्रो लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, अप्पर लोहोरे खोला हाइड्रोपावर कम्पनी लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य १३ प्रतिशतभन्दा धेरैले घटेको छ ।