काठमाडौँ । सरकारले अब हरेक दिन कर प्रणालीमा आबद्ध नागरिकलाई लखपति बनाउने भएको छ । ‘करदाता प्रोत्साहन उपहार कार्यक्रम’ अन्तर्गत सरकारले यस्तो योजना अघि सारेको हो । 

यसका लागि सरकारले ‘करदाता प्रोत्साहन उपहार कार्यक्रम सञ्चालन कार्यविधि, २०८३’ समेत तयार गरिसकेको छ ।

कार्यविधि अनुसार उक्त योजनामा मूल्य अभिवृद्धि कर (भ्याट) र स्थायी लेखा नम्बर (प्यान)मा आबद्ध भएका तथा एक सय रुपैयाँ भन्दा बढीको कारोबारमा अनलाइन वा नगद भुक्तानी गर्दा बिल लिएका नागरिकहरु सहभागी हुन पाउनेछन् । 

उक्त कार्यक्रममा सहभागी हुन उपभोक्ताले १०० रुपैयाँ भन्दा बढीको सामान किन्दा वा होटल/रेस्टुरेन्टमा भुक्तानी गर्दा सक्कली बिल लिनुपर्नेछ । उक्त बिल नम्बरकै आधारमा विजेता घोषणा गरेर उपहार दिइनेछ । हाललाई हरेक महिनाको १६ गते र अन्तिम दिन (पाक्षिक रुपमा) लखपति योजनाको घोषणा गरिने कार्यविधिमा उल्लेख छ । 

सरकारले सो कार्यक्रम बजेटमार्फत घोषणा गरेको थियो । यस्तो छ ‘करदाता प्रोत्साहन उपहार कार्यक्रम सञ्चालन कार्यविधि, २०८३’: