Cinema Portal
Election Portal
Share Dhani Portal
Unicode Page
English Edition
Share Training
PREMIUM
सुन-चाँदीको भाउ
विदेशी विनिमयदर
मिति रुपान्तरण
पेट्रोलको भाउ
तरकारी/फलफूल भाउ
आर्थिक राशिफल
आजको मौसम
AQI Page
काठमाडौँ । पछिल्लो समय सेयर बजारमा १० लाखको सीमा ‘हट इस्यु’ बनेको छ । एक दिनमै १० लाख वा सो भन्दा बढीको सेयर कारोबार गर्दा अनिवार्य रुपमा कारोबारको प्रतिवेदन पठाउनुपर्ने भएपछि बजारमा यो व्यवस्थाको चर्चा व्यापक छ ।
अझ कतिपयले माहोल बन्दै गइरहेको बजारमा अनाश्यक रुपमा लगानीकर्ता तर्साउने काम भएको भन्दै सो व्यवस्थाको विरोधसमेत गरेका छन् ।
तर, बैंकर मनोज ज्ञवालीले उक्त व्यवस्थाका कारण सेयर बजारमा लगानी गर्दा डराउनुपर्ने अवस्था नरहेको बताएका छन् । उनले यो व्यवस्था नयाँ नभएर बैंक निक्षेपको हकमा वर्षौंदेखि रहेको र सेयर कारोबारको रिपोर्टिङ सम्बन्धमा पनि व्यवस्था पुरै नौलो नभएको बताएका छन् ।
त्यस्तै, १० लाखको सीमा आफैँमा प्रतिबन्ध नभएर यो लागू नियमानुसार कारोबारको प्रतिवेदन तथा निगरानीसँग सम्बन्धित हुनसक्ने ज्ञवालीले बताएका छन् । उनले गलत तरिकाले कमाएको सम्पत्तिमा निगरानी हुन्छ र हुनैपर्ने भन्दै नियमसंगतको कमाई लगानी गर्दा डराउनुनपर्ने बताएका छन् ।
यस्तो छ १० लाख वा सो भन्दा बढीको निक्षेप तथा सेयर कारोबार सम्बन्धमा ज्ञवालीको भनाई जस्ताको त्यस्तैः
AML नियम: रु. १० लाख वा सोभन्दा बढीको निक्षेप तथा शेयर कारोबार सम्बन्धमाः
नियम:-एक दिनमा एकैपटक वा पटक–पटक गरी रु. १० लाख वा सोभन्दा बढीको धितोपत्र खरिद वा बिक्री भएमा सम्बन्धित संस्थाले वित्तीय जानकारी इकाइ (FIU-Nepal) मा कारोबारको प्रतिवेदन पठाउनुपर्ने व्यवस्था गरिएको छ।कारोबार भएको १५ दिनभित्र Threshold Transaction Report (TTR) पठाउनुपर्छ।– यो व्यबस्था बैंक निक्षेपको हकमा बर्षौ देखि छ। शेयर कारोबारको reporting सम्बन्धमा पनि यो ब्यबस्था पुरै नौलो होईन।१. नियमको उद्देश्य– अवैध रूपमा आर्जित रकमलाई वैध देखाउने कार्य रोक्नु।-भ्रष्टाचार, ठगी, कर छली तथा आतंककारी गतिविधिमा वित्तीय लगानी नियन्त्रण गर्नु।-बैंकिङ प्रणाली र शेयर बजारमा पारदर्शिता बढाउनु।२. शेयर कारोबारमा :– रु. १० लाख वा सोभन्दा बढीको कारोबारमा लागू हुन्छ।-सम्बन्धित संस्थाले आवश्यक कारोबार विवरण FIU-Nepal मा पठाउनुपर्ने हुन्छ।-कारोबारको रकमको स्रोत, ग्राहकको पहिचान र लगानीको उद्देश्य स्पष्ट हुनुपर्छ।– रु. १० लाख वा बढी निक्षेप हुँदैमा स्वतः अवैध वा शंकास्पद मानिँदैन।– कारोबारको प्रकृति र जोखिमका आधारमा रकमको स्रोतसम्बन्धी कागजात मागीन सक्छ।३. प्रभाव– वित्तीय अपराध नियन्त्रणमा सहयोग।– पारदर्शिता र जवाफदेहिता वृद्धि।– वित्तीय प्रणालीप्रति विश्वास अभिवृद्धि।– नेपाललाई FATF को Grey list बाट निस्किन सहयोग।-ग्राहकलाई थप कागजात जुटाउनुपर्ने हुनसक्छ।-ब्रोकरको अनुपालन लागत बढ्न सक्ने।– अनावश्यक डरले वैध लगानी र कारोबार प्रभावित हुन सक्ने।४. सर्वसाधारणले ध्यान दिनुपर्ने कुरा– रकमको वैध स्रोत खुल्ने प्रमाण सुरक्षित राख्ने।-आफ्नै बैंक खाताबाट कारोबार गर्ने।-प्रतिवेदनको सीमा छल्न कारोबारलाई कृत्रिम रूपमा टुक्र्याउने काम नगर्ने।
निष्कर्ष: रु. १० लाखको सीमा आफैँमा प्रतिबन्ध होइन। यो लागू नियमअनुसार कारोबारको प्रतिवेदन तथा निगरानीसँग सम्बन्धित हुन सक्छ।गलत तरिकाले कमाएको सम्पत्तीमा निगरानी हुन्छ र हुनैपर्छ; गि र नियमसंगतको कमाई लगानी गर्दा डराउनु पर्ने केही कारण नै छैन।
प्रतिक्रिया दिनुहोस्