काठमाडौँ । त्रिभुवन विश्वविद्यालय (त्रिवि) को परीक्षा सञ्चालन र नतिजा प्रकाशनमा भएको ढिलासुस्तीका कारण एलएलबी अध्ययनको अवसर गुमेको भन्दै एक विद्यार्थीले राष्ट्रिय मानव अधिकार आयोगमा उजुरी दिएका छन् ।
मोरङको लेटाङ निवासी योगराज दाहालले बीए उत्तीर्ण भए पनि त्रिविले नतिजा ढिलो सार्वजनिक गर्दा चालु शैक्षिक सत्रमा तीनवर्षे एलएलबीको प्रवेश परीक्षा दिन नपाएको भन्दै उजुरी दिएका हुन् ।
उनका अनुसार २०८२ भदौ १३ गते बीए प्रथम वर्षको आंशिक परीक्षाको फारम भरेकोमा २०८३ जेठ १८ देखि २७ गतेसम्म परीक्षा सञ्चालन भएको थियो । तर, नतिजा भदौ २२ गते मात्रै सार्वजनिक भयो । यसबीच जेठ २९ गते नै एलएलबीको प्रवेश परीक्षा भइसकेकाले उनी सहभागी हुन पाएनन् ।
दाहालले त्रिविको प्रशासनिक ढिलासुस्तीका कारण आफ्नो शैक्षिक भविष्य अन्योलमा परेको उल्लेख गर्दै विशेष वा पूरक प्रवेश परीक्षा सञ्चालन गरी एलएलबी अध्ययनको अवसर सुनिश्चित गर्न आयोगसँग माग गरेका छन् ।
यसअघि उनले हेलो सरकारमार्फत १० पटक उजुरी गर्नुका साथै शिक्षा मन्त्रालय र प्रधानमन्त्री तथा मन्त्रिपरिषद्को कार्यालयमा समेत निवेदन दिएका थिए । तर, अहिलेसम्म समस्या समाधान नभएको उनको गुनासो छ ।
उनले चालु शैक्षिक सत्र समाप्त हुनुअघि नै विषयको छानबिन गरी आफूलाई न्यायोचित रूपमा प्रतिस्पर्धामा सहभागी हुने अवसर दिलाउन माग गरेका छन् ।
Cinema Portal
Election Portal
Share Dhani Portal
Unicode Page
English Edition
Share Training
PREMIUM
सुन-चाँदीको भाउ
विदेशी विनिमयदर
मिति रुपान्तरण
पेट्रोलको भाउ
तरकारी/फलफूल भाउ
आर्थिक राशिफल
आजको मौसम
AQI Page







प्रतिक्रिया दिनुहोस्