काठमाडौं । एसईईको नतिजा सार्वजनिक भएको छ । राष्ट्रिय परीक्षा बोर्डले २०७७ सालको एसईईको नतिजा आज सार्वजनिक गरेको हो । विद्यालयले गरेको आन्तरिक मूल्यांकनको आधारमा बोर्डले प्रमाणित गरेर नतिजा प्रकशन गरेको हो ।

परीक्षा नियन्त्रण कार्यालयले कक्षा १० को एसईई परीक्षा २०७७ को नतिजा बोर्डको वेबसाइट, एसएमएस र आईभीआरबाट हेर्न सकिने जनाएको छ । बोर्डले २०७७ सालको नियमित तथा ग्रेडवृद्धि परीक्षाको नतिजा इजी सर्भिस प्रालिमार्फत ३४९४९ मा एसएमएस गरेर हेर्न सकिन्छ भने आकाश टेक प्रालिमार्फत ३१००३ मा एसएमएस गरेर नतिजा हेर्न सकिन्छ ।

यस्तै जानकी टेक्नोलोजी प्रालिमार्फत् ३५००१ मा एसएमएस गरेर हेर्न सकिनेछ भने नेपाल टेलिकममार्फत १६०० मा एसएमएस गरेर हेर्न सकिनेछ । यस्तैगरी एनसिएलमार्फत पनि १६०० मा एसएमएस गरेर थाहा पाउन सकिनेछ ।

परीक्षार्थीले www.see.gov.np, www.neb.gov.np, www.theconnectplus.com, www.see.edusanjal.com, www.see.ntc.net.np, www.ncell.axiata.com लगायतबाट पनि  नतिजा हेर्न सक्ने बोर्डले जनाएको छ ।