">
- अर्थ सरोकार सम्बाददाता
काठमाडौं । साताको कारोबारको तेस्रो दिन मंगलबार नेपाल पुनर्बिमा कम्पनीको सर्वाधिक कारोबार भएको छ । कम्पनीको ७६ करोड १२ लाख ५ हजार ८ सय २१ रुपैयाँको सेयर कारोबार भएको हो । आज नेप्से परिसूचक ३.७२ अंकले घटेर ३ हजार २२ दशमलव १० विन्दुमा कायम भएको छ । यस अवधिमा १६ अर्ब ५२ करोड ८७ लाख बराबरको कारोबार भएको छ ।
नेपाल पुनर्बिमा कम्पनीपछि हाइड्रोइलेक्टिसिटिको ५२ करोड २४ लाख ७८ हजार ८ सय ९४ रुपैयाँको सेयर कारोबार भएको छ । यस्तै हिमालयन डिस्टीलरीको ४२ करोड १ लाख ५० हजार ३ सय ७१ रुपैयाँको सेयर कारोबार भएको छ भने अरुण भ्याली हाईड्रोपावरको ३४ करोड ४४ लाख १६ हजार ८ सय ८२ रुपैयाँको सेयर कारोबार भएको छ ।
