काठमाडौं । साताको कारोबारको दोस्रो दिन सोमबार पनि नेप्से परिसूचक बढेको छ । आइतबारको तुलनामा नेप्से परिसूचक ०.२७ अंकले बढेर २९४७.७० बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २२६ कम्पनीको १ करोड ५६ लाख ८१ हजार १८४ कित्ता सेयर खरिद बिक्री हुँदा ९ अर्ब २९ करोडमाथिको कारोबार भएको छ । आज सबैभन्दा बढी कारोबार अरुण भ्याली हाइड्रोपावर डेभलपमेन्ट कम्पनीको भएको छ । यस कम्पनीको ६१ करोड ९३ लाख ५० हजार ७९३ रुपैयाँको सेयर कारोबार भएको हो । आज सोमबार ६ समूहका उप-परिसूचक घटेका छन् भने ७ समूहका उप-परिसूचक बढेका छन् ।
सोमबारको बजारमा अजोड इन्स्योरेन्स कम्पनीका लगानीकर्ताले मनग्य पैसा छापेका छन् । अजोडको सेयर मूल्यमा सर्किट लागेको छ । यस अलावा मनकामना स्मार्ट लघुवित्त वित्तीय संस्था, सानिमा लाइफ इन्स्योरेन्स, यूनाईटेड इदी मर्दी हाईड्रोपावर, एनआरएन इन्फ्राइस्टक्चर एण्ड डेभलपमेन्ट कम्पनी लगायतका कम्पनीका लगानीकर्ता पनि मालामाल भएका छन् । हेर्नुहोस् सोमबार सबैभन्दा बढी नाफा गर्ने कम्पनीहरुको सूचीः
सोमबारको बजारमा सबैभन्दा बढी कारोबार अरुण भ्याली हाइड्रोपावर डेभलपमेन्ट कम्पनीको भएको छ । कम्पनीको ६१ करोड ९३ लाख ५० हजार ७९३ रुपैयाँको सेयर कारोबार भएको हो । यस अलावा यूनाइटेड मोदी हाईड्रोपावर कम्पनी, नेशनल हाईड्रोपावर कम्पनी, नबिल बैंक, अपि पावर कम्पनी, एनआइसी एशिया बैंकको सेयर पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरुको सूचीः
यसैबीच सोमबारको सेयर बजारमा कालिका पावर कम्पनीका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा बढीले घटेको हो । कालिकाको सेयरमा यस्तो गिरावट आउँदा रैर्याङ हाईड्रोपावर डेभलपमेन्ट कम्पनीको सेयर मूल्यमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने टप १० कम्पनीहरुको सूचीः
