काठमाडौँ । पूँजीबजार सुधार सङ्घर्ष समितीका लगानीकर्ता र नेपाल धिताेपत्र बाेर्डका पदाधिकारीबीच भेटवार्ता भएकाे छ विभिन्न १८ बुँदे माग राख्दै आन्दोलनरत लगानीकर्ता र बोर्डका पदाधिकारीबीच सोमबार भेटवार्ता भएकाे हो । लगानीकर्ताले राखेका उक्त मागप्रति सेबाेन सकारात्मक देखिएकाे र नयाँ अध्यक्ष आएपछि सम्बाेधन गरिने निष्कर्ष निकालिएको समितिका संयाेजक राेहन कार्कीले बताएका छन् ।
यद्यपि यस विषयमा राष्ट्र बैंकसँग भने सोमबार वार्ता हुन नसकेको कार्कीले बताए । लगानीकर्ताहरुले गत साेमबार नेपाल राष्ट्र बैंकका प्रवक्ता देव कुमार ढकाल समक्ष गभर्नर महाप्रसाद अधिकारीको राजिनामाको मागसहित विभिन्न १८ बुँदे माग राख्दै ज्ञापनपत्र बुझाएका थिए । यस्तै उनीहरु भदौ २३ गतेदेखि दैनिक रुपमा दिउँसो ३ बजेदेखि ५ बजेसम्म माइतीघरमा रिले अनसन बसिरहेका थिए । र सो अनसन हालपनि कायमै रहेको छ ।
