बागलुङ । बागलुङकाे सिवाईसी नेपाल लघुवित्त वित्तीयले सदस्यहरुलाई व्यवसायीक बनाउनका लागि १ दिने व्यवसायीक तरकारी खेती तालिम सम्पन्न गरेको छ । तालिम कार्यक्रमको उद्घाटन कार्यक्रमका प्रमुख अतिथी एवं संस्थाका प्रवन्ध सञ्चालक डोलिन्द्रप्रसाद शर्माले गरेका थिए । प्रमुख अतीथि शर्माले तालिममा सिकेका कुराहरुलाई व्यवहारमा उतार्न सहभागिहरुलाई अनुरोध गरेका थिए । 

उनले तालिम पश्चात सकेसम्म व्यवसायीक नै बन्न र नभएपनी आफुलाई चाहिने उत्पादन आफै गर्नसक्नुपर्ने विषयमा जोड दिएका थिए । तालिमका क्रममा सदस्यहरुलाई मौसमी तथा बेमौसमी तराकारी खेतीका लागि विउ पनी उपलब्ध गराईएको थियो । सोही क्रममा उत्कृष्ट बचतकर्ताको रुपमा रेमी दर्लामीलाई नगद २ हजार, असल सदस्य ललिकुमारी थापालाई १ हजार ५ सय, सक्रिय सदस्य अनिता थापा र अमृता थापालाई १/१ हजार नगदसहित कम्पनीले पुरस्कृत गरेकाे थियो ।