- अर्थ सरोकार सम्बाददाता
काठमाडौं । नेपाल राष्ट्र बैंकले रियल टाइम ग्रस सेटलमेन्ट (आरटीजीएस) प्रणालीमा थप १० वटा बैंक तथा वित्तीय संस्था आवद्ध भएको जनाएको छ । आरटीजीएस प्रणालीमा ८ विकास बैंक र २ वित्त कम्पनी आवद्ध भएको राष्ट्र बैंकले जनाएको हो ।
यसअघि आरटीजीएस प्रणालीमा २७ वटा वाणिज्य बैंक आवद्ध थिए । ८ बैंक तथा वित्तीय संस्था आवद्ध भएसंगै आरटीजीएस प्रणालीमा आवद्ध हुने बैंक तथा वित्तीय संस्थाको संख्या ३७ पुगेको छ । आरटीजीएस प्रणाली लागू भएसँगै चेक नकाटी सीधै एक बैंकको खाताबाट अर्को बैंकको खातामा भुक्तानी हुने गरेको छ ।
