• अर्थ सरोकार सम्बाददाता 

काठमाडौ । नेपाल फाइनान्सले पनि आजबाट ५ लाख १५ हजार २४८.२५ कित्ता सेयर लिलामीमा ल्याएको छ । कम्पनीले संस्थापक समूहको २ लाख ५५ हजार ७८.७५ कित्ता र सर्वसाधारण समूहको २ लाख ६० हजार १६९.५० कित्ता सेयर लिलामीमा ल्याएको हो । 

लगानीकर्ताले कम्पनीको सेयरमा न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । लिलामी भर्ने अन्तिम म्याद पुस २४ गतेसम्म तोकिएको छ । यसअघि कम्पनीले मंसिर ४ गतेबाट २४ गतेसम्म १६ लाख ९७ हजार ५०६.२५ कित्ता (१२५%) हकप्रद सेयर बिक्री खुला गरेको थियो । त्यस समयभित्र आवश्यकता अनुसार हकप्रद सेयर नबिकेपछि कम्पनीले बाँकी रहेको सेयर यतिबेला लिलामीमा ल्याएको हो । 

बिक्री प्रबन्धक प्रभु क्यापिटल कमलादी तथा नेपाल फाइनान्सको केन्द्रीय कार्यालय कमलादीबाट आवेदन दिन सकिनेछ । साथै प्रभु बैंकको शाखा कार्यालयहरु विराटनगर, वीरगन्ज, पोखरा, बुटवल, नेपालगन्ज, सुर्खेत र धनगढीबाट आवेदन दिन सकिनेछ ।