- अर्थ सरोकार सम्बाददाता
काठमाडौं । आँगन स्विट्सको मिठाइमा नङ भेटिएको छ । मिठाईका लागि राम्रो मानिँदै आएको सो स्विट्सको मिठाइमा नङ भेटिएपछी प्रहरीले छापा मारेको छ । आँगन स्विट्सको कमलपोखरी शाखामा काठमाडौं प्रहरीले छापा मारेको हो ।
आँगन स्विट्स नेपाल प्रहरीको वरिष्ठ उपरीक्षक (एसएसपी)बाट डिआईजीमा बढुवा सिफारिस भएका एक जना अधिकृतले खरिद गरेका थिए । खरिद गरेको मिठाई खोल्दा अखाद्य बस्तु अर्थात् नङ भेटिएपछि उनले काठमाडौं प्रहरीलाई खबर गरेका थिए ।
त्यसपछि महानगरीय प्रहरी वृत मालिगाउँका डिएसपी खुमलाल भुषालको टोली सो स्थानमा पुगेको महानगरीय प्रहरी परिसर काठमाडौंका प्रवक्ता (डिएसपी) प्रमेश विष्टले जानकारी दिए ।
