काठमाडौं। बैंक अफ काठमाण्डूले ७ लाख ५५ हजार ९४० कित्ता संस्थापक सेयर बुधबारबाट लिलामीमा बिक्री खुला गरेको छ । बैंकले आफ्नो स्वामित्वमा रहेको छिमेक लघुवित्तको ६ लाख ६ हजार १४० र आरएमडीसी लघुवित्तको १ लाख ४९ हजार ८०० कित्ता सेयर बिक्रीमा ल्याएको हो ।

लगानीकर्ताले छिमेकको सेयरमा न्यूनतम ६०० रुपैयाँ र आरएमडीसीको सेयरमा न्यूनतम ५२० रुपैयाँ भाउ राखेर आवेदन दिन सक्नेछन् । यस्तै यसमा विभिन्न संघसंस्था, कम्पनी र सर्वसाधारण लगानीकताले पनि आवेदन दिन सक्नेछन् । यसमा चैत ९ गतेसम्म बोलपत्र पेश गर्न सकिनेछ ।

आवेदकले न्यूनतम १०० कित्ता र अधिकतम सबै कित्ताको लागि आवेदन दिन सक्नेछन् । २ वटै कम्पनीको लिलामी आवेदन बिओको क्यापिटल नक्साल, काठमाडौंबाट आवेदन दिन सकिनेछ ।