काठमाडौं । माछापुच्छ्रे बैंकले १ लाख ६४ हजार कित्ता संस्थापक सेयर बिक्रीमा ल्याएको छ । बैंकका संस्थापक भरत कुमार श्रेष्ठले आफ्नो नाममा रहेको १ लाख ६४ हजार १३१ कित्ता सेयर बिक्रीमा ल्याएका हुन् ।
यसमा बैंककै संस्थापक सेयरधनीले मात्र आवेदन दिन सक्नेछन् भने यसको भाउ भने तोकिएको छैन । सेयर खरिद गर्न इच्छुक संस्थापकले अब ३५ दिनभित्र माछापुच्छ्रेको प्रधान कार्यालय पुतलिसडक काठमाडौंमा निवेदन दिनुपर्नेछ ।
यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने बैंकले जनाएको छ ।
