">
- अर्थ सरोकार सम्बाददाता
काठमाडौं । शाइन रेसुंगा डेभलपमेन्ट बैंकको साधारणसभा पनि पुस २९ गते हुने भएको छ । सभा बैंकको केन्द्रीय कार्यालय कालिकानगर बुटवल रुपन्देहीमा बिहान ११ बजे हुनेछ । सभामा बैंकले १३% बोनस सेयर वितरण गर्ने प्रस्ताव पेश गर्दैछ ।
यस्तै साविकको पूर्णिमा विकास बैंक र भार्गव विकास बैंकलाई गाभ्नुपूर्वको सेयर संरचना परिवर्तन गरी संस्थापक समूहको ५१% र सर्वसाधारण समूहको ४९% हिस्सा बनाउने एजेन्डा पनि छ । आर्थिक वर्ष २०७६–७७ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा पनि रहेको छ । सभाका लागि बैंकले पुस १६ गतेबाट सभा हुने दिनसम्म बुक क्लोज गर्दैछ । पुस १५ गतेसम्म कायम सेयरधनीले लाभांश सुरक्षित गर्न पाउनेछन्।
