काठमाडौं । नेको इन्स्योरेन्स कम्पनीको वार्षिक साधारणसभा भोलि बुधबार हुने भएको छ । सभा कम्पनीको केन्द्रीय कार्यालय बिमा भवन ज्ञानेश्वर, काठमाडौंमा बिहान ११ बजेदेखि सुरु हुने भएको हो ।

सभाले कम्पनीको आर्थिक वर्ष २०७७/७८ को नाफाबाट सेयरधनीलाई दिने १५ प्रतिशत बोनस सेयर र कर तिर्न ०.७९ प्रतिशत नगद लाभांश वितरण गर्ने प्रस्ताव पारित गर्नेछ । सभामा आर्थिक वर्ष २०७७/७८ को नाफा नोक्सान लगायत अन्य प्रतिवेदन पारित हुनेछ ।

यस्तै चालु आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि सभाले पारित गर्नेछ । सभा प्रयोजनका लागि कम्पनीले चैत १ गते बुक क्लोज गरिसकेको छ । तर्सथ फागुन ३० गतेसम्म नेप्सेमा कायम सेयरधनीले मात्र सभामा भाग लिन र लाभांश सुरक्षित गरेका छन् ।