काठमाडौं । ग्रीन भेन्चर्स लिमिटेडको आइपीओमा १० लाख बढीले आवेदन दिएका छन् । सीडीएस एन्ड क्लियरिङ लिमिटेडले बुधबार साँझ ५ः०२ बजेसम्ममा १० लाख ७१ हजार ५५२ जना आवेदकहरुले १ करोड ३३ लाख ९ हजार ३९० कित्ताका लागि आवेदन दिएको जनाएको हो ।

कम्पनीले मंगलबार चैत ८ गतेबाट सर्वसाधारणका लागि २८ लाख ७५ हजार कित्ता आइपीओ निष्कासन गरेको हो । जसमा ५% अर्थात् ९१ हजार ३९८ कित्ता सामुहिक लगानी कोष र ४% अर्थात् ७३ हजार ११९ कित्ता सेयर कर्मचारीका लागि छुट्याइएको छ । बाँकी १६ लाख ६३ हजार ४५३ कित्ताका लागि सर्वसाधारणले आवेदन दिन सक्नेछन् ।

लगानीकर्ताले यसमा चैत ११ गतेसम्म आवेदन दिन सक्नेछन् भने सो अवधिमा सबै सेयर बिक्री नभएमा चैत ३० गतेसम्म आवेदन दिन सकिनेछ । न्यूनतम १० कित्तादेखि अधिकतम १ लाख कित्ताको लागि आवेदन दिन सकिनेछ । लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।