काठमाडौं । एनएलजी इन्स्योरेन्स कम्पनीको अध्यक्षमा बिमल प्रसाद वाग्ले चयन भएका छन् । १६औं साधारणसभापछि बसेको सञ्चालक समितिको बैठकले वाग्लेलाई सर्वसम्मत अध्यक्षमा चुनेको हो ।
अध्यक्ष वाग्लेले आजै बीमा समितिका अध्यक्ष सूर्यप्रसाद सिलवालबाट पद तथा गोपनीयताको शपथ लिई कार्यभार सम्हालेका कम्पनीले जानकारी दिएको छ ।
नवनिर्वाचित अध्यक्षसँग ३७ वर्षभन्दा बढी निजामति सेवा तथा विभिन्न संस्थामा काम गरेको अनुभव छ । सचिव पदबाट अवकाश पाएका वाग्ले यसअघि पनि एनएलजी इन्स्योरेन्स कम्पनीकाे अध्यक्ष थिए ।
