काठमाडौं । सनराइज बैंक र एक्सेल डेभलपमेन्ट बैंकको स्वामित्वमा रहेको युनाइटेड इन्स्योरेन्सको संस्थापक सेयर बिक्रीमा आएको छ । सनराइजले ५ हजार ८२७ कित्ता र एक्सेलले ७९ हजार ७४२ कित्ता गरी कुल ८७ हजार ३०० कित्ता संस्थापक सेयर बिक्री गर्न लागेका हुन् ।
सो सेयरमा युनाइटेड इन्स्योरेन्सका हाल कायम संस्थापक सेयरधनीहरुले आवेदन दिन सक्नेछन् भने सेयर खरिद गर्न इच्छुक संस्थापक सेयरधनीहरुले सूचना प्रकाशित भएको मिति अर्थात बिहिबार चैत २४ गतेबाट ३५ दिनभित्र आवेदन दिइसक्नुपर्नेछ ।
लगानीकर्ताले युनाइटेडको केन्द्रीय कार्यालय ट्रेड टावर थापाथली, काठमाडौंमा लिखित निवेदनसहित सम्पर्क गर्नुपर्नेछ । ३५ दिनभित्र कुनै पनि संस्थापक सेयरधनीले आवेदन नदिएमा भने अन्य खरिदकर्तालाई सेयर बिक्री गर्ने प्रक्रिया अघि बढाइने कम्पनीले जनाएको छ ।
