काठमाडौं । आइएमई जनरल इन्स्योरेन्सको ९१ हजार १९५ कित्ता हकप्रद सेयर लिलामीमा आउने भएको छ । कम्पनीले बिक्री खुला गरेको ४०% हकप्रद सेयर गत सोमबार चैत २८ गते बाँडफाँड भएको थियो ।
कम्पनीले ४६ लाख ३० हजार ३४४ कित्ता हकप्रद सेयर बिक्री खुला गरेकोमा १३ हजार ६८९ जना सेयरधनीबाट ४५ लाख ३९ हजार १४९ कित्ताका लागि मात्र आवेदन परेको छ । बाँकी ९१ हजार १९५ कित्ता हकप्रद बिक्री हुन नसकेको हो ।
बिक्री नभएको बाँकी सेयर कम्पनीले अब लिलामीमा ल्याउनेछ । कम्पनीले गत फागुन २२ गतेबाट चैत १३ गतेसम्म ४६ लाख ३० हजार ३४४ कित्ता हकप्रद सेयर बिक्री खुला गरेको थियो ।
