काठमाडौं । नयाँ सारथी लघुवित्त वित्तीय संस्थाले वार्षिक साधारणसभा गर्ने भएको छ । कम्पनीले वैशाख १० गते वार्षिक साधारणसभा गर्ने भएको हो । सभा कम्पनीको प्रधान कार्यालय धुलिखेल काभ्रेपलान्चोकमा दिउँसो ३ बजे हुने भएको छ । सभामा कम्पनीले आफ्ना सेयरधनीहरुलाई १९ प्रतिशत बोनस सेयर र कर तिर्न १ प्रतिशत नगद लाभांश वितरण गर्ने प्रस्ताव पारित हुनेछ । कम्पनीले एफपीओ निष्कासन गर्ने प्रस्ताव पनि उक्त सभामा पेश गर्ने भएको छ । कम्पनीले २ लाख २९ हजार ६४९ कित्ता एफपीओ बिक्री गर्नको लागि धितोपत्र बोर्डसँग अनुमति मागिसकेको छ ।
कम्पनीले अंकित मूल्य १०० रुपैयाँमा १६ रुपैयाँ प्रिमियम जोडेर प्रतिकित्ता ११६ रुपैयाँमा एफपीओ बिक्री अनुमति मागेको हो । अब धितोपत्र बोर्डबाट अनुमति पाएपछि एफपीओ निष्कासन हुने भएको छ । यस्तै अन्य कुनै लघुवित्तसँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने प्रस्ताव पनि रहेको कम्पनीले जनाएको छ ।
गत आर्थिक वर्षको वार्षिक प्रतिवेदन, नाफा-नोक्सान हिसाब तथा नगद प्रवाह विवरण पनि परित गर्ने एजेण्डा पनि रहेको छ । सभा प्रयोजनका लागि कम्पनीले चैत २३ गतेबाट वैशाख १० गतेसम्म बुक क्लोज गरेको छ । तर्सथ चैत २२ गतेसम्म नेप्सेमा कायम रहेका सेयरधनीले मात्र प्रस्तावित लाभांश पाउने भएका छन् ।
