काठमाडौं । प्रमोटर सेयरलाई साधारण सेयर सरह कारोबार गर्ने व्यवस्था गर्न निजी क्षेत्रले माग गरेको छ । नेपाल उद्योग वाणिज्य महासंघद्धारा आयोजित पूर्वबजेट छलफल कार्यक्रममा आगामी बजेटमार्फत उक्त व्यवस्था गर्न माग ष्रेको हो ।
त्यस्तै महासंघले विदेशी नागरिकले पनि नेपाल धितोपत्र बिनिमय बजारमा सेयर खरिद बिक्री गर्ने व्यवस्था गर्न सरकारसँग माग गरेको छ । नेप्सेमा इन्ट्रा डे, सर्टसेल लगायतका उपकरणको व्यवस्था ल्याइनुपर्ने र कमोडिटी बजारको थप विकास गर्नुपर्ने लगायतका सुझाव महासंघले दिएको छ ।
यसैगरी महासंघले विदेशी मुद्राको कारोबार खुल्ला गर्नुपर्ने, कम्तिमा नेपाली रुपैयाँ र अमेरिकन डलरको कारोबार गर्ने व्यवस्था मिलाउन पनि माग गरेको छ । यसो गरेको खण्डमा हेजिङ्गको समस्यालाई टेवा पुग्ने महासंघले जनाएको छ ।
