काठमाडौं । सेयर बजारका लगानीकर्ताले काठमाडौं जिल्ला प्रशासन कार्यालयमा ज्ञापन पत्र बुझाएका छन् । पुँजी बजार सुधार र विकासका लागि तिलक कोइरालाको संयोजकत्वमा गठन भएको संघर्ष समितिले काठमाडौं जिल्ला प्रशासन कार्यालयमा ज्ञापन पत्र बुझाएको हो ।

पदर्शनमा उत्रिएका लगानीकर्ताले ४­/१२ नीति खारेज, बैंकलाई ब्रोकर लाइसेन्स तथा नीतिगत भ्रष्ट्राचारको अन्त्यको माग गर्दै प्रदर्शन गरेका छन् । पुँजी बजार सुधार र विकासका लागि गठित समितिले घोषणा गरेको आन्दोनमा अहिले अधिकांश लगानीकर्ताका छाता संगठनले एक्यवद्धता जनाएका छन् ।

लगानीकर्ताहरुले वाणिज्य बैंकका सहायक कम्पनीमार्फत ब्रोकर लाइसेन्स, गैरआवासीय नेपालीहरुलाई पुँजी बजारमा भित्र्याउने लगायतका १९ बुँदे माग राखेका छन् ।