काठमाडौं । बुधबार सेयर बजारमा उछाल आएको छ । गभर्नर अधिकारी राष्ट्र बैंकबाट विदा हुने हल्ला चौतर्फी रुपमा फैलिएसँगै मंगलबार सेयर बजारमा उछाल आएको हो । मंगलबारको तुलनामा नेप्से परिसूचक ५९.५४ अंकले बढेर १९८६.८२ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२५ कम्पनीको ५७ लाख ८७ हजार १ सय २६ कित्ता सेयर खरिद बिक्री हुँदा २ अर्ब ४ करोडमाथिको सेयर कारोबार भएको छ । आज सबैभन्दा बढी कारोबार शिभम् सिमेन्टको भएको छ । यस कम्पनीको ९ करोड २ लाख ९५ हजार ३ सय २९ रुपैयाँ बराबरको सेयर कारोबार भएको हो ।
यस्तै बुधबारको सेयर बजारमा एभरेष्ट बैंक लिमिटेड प्रिफेरेन्स सेयरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । एभरेष्ट बैंक लिमिटेडको प्रिफेरेन्स सेयरमा यस्तो गिरावट आउँदा ८.५ प्रतिशत नेपाल इन्भेष्टमेन्ट बैंकको डिबिन्चेर २०८४, ८.५ प्रतिशत बिओके डिबिन्चेर २०८६, युनिलिभर नेपाल र १०.२५ प्रतिशत सनराइज बैंक डिबेन्चेर २०८३ मा पनि उच्च गिरावट देखिएको छ । हेर्नुहोस् बुधलबारको सेयर बजारमा सबैभन्दा बढी गुमाउने कम्पनीहरुको सूचीः
यसैबीच बुधबारको बजारमा सबैभन्दा बढी कारोबार शिभम् सिमेन्टको भएको छ । यस कम्पनीको ९ करोड २ लाख ९५ हजार ३ सय २९ रुपैयाँ बराबरको सेयर कारोबार भएको हो । यस अलावा एनआईसी एशिया बैंक, नेपाल बैंक, हिमालयन डिष्टिलरी, अरुण काबेली पावर, नेपाल टेलिकम, सिभिल बैंक, लक्ष्मी बैंक, नबिल बैंक र सिद्वार्थ बैंकको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी बुधबारको सेयर बजारमा नेपाल फाइनान्स र सिलायन्स फाइनान्सका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सिइडिबि हाईड्रोपावर डेभलपमेन्ट कम्पनी, कर्पोरेट डेभलपमेन्ट बैंक, सिटिनन्स म्युचुअल फण्ड–२, नबिल ब्यालेस्ण्ड फण्ड–२ र कुमारी इक्वीटि फण्डका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः
