काठमाडौँ । काठमाडौँमा धेरैपछि भूकम्पको ठुलो धक्का महसुस भएको छ । विहान ५ बजेर २६ मिनेटमा भूकम्पको धक्का महसुस भएको हो । गत बैसाख १२, २०७२, शनिबारको दिन गएको महाभूकम्पपछि नेपालमा धेरै साना ठुला परकम्पहरु गईरहेको भएपनि शनिबार गएको भूकम्पले नागरिकहरु थप आत्तिएका छन् ।
एक त धेरैपछि काठमाडौँमा यति ठुलो धक्का महसुस भएको छ, अर्कोतर्फ केहि समय अगाडी खोटाङमै ठुलो भूकम्प गएको धेरै भएको छैन, र त्यसमा पनि शनिबारे संयोगका कारण नागरिक आत्तिएका छन् । ७२ सालको महाभूकम्प पनि शनिबार नै गएको थियो । शनिबार धेरैपछि भूकम्पको ठुलो धक्का महसुस भएपछि मानिसहरु आत्तिएका छन् ।
अर्कोतर्फ झरीका बेला आउने भूकम्प थप जोखिमपूर्ण हुने विज्ञहरुको तर्क छ । पानीले जमिन थप कमजोर भएका बेला आउने भूकम्पले बढी क्षति गर्न सक्ने उनीहरुको भनाई छ । आज पनि शनिबार र त्यसमा पनि झरीका बेला भूकम्पको धक्का महसुस भएपछि नागरिक थप आत्तिएका छन् ।
अपडेट : राष्ट्रिय भूकम्प मापन तथा अनुसन्धान केन्द्रले नुवाकोटको बेल्कोटगढी केन्द्रविन्दु भएर ५.३ म्याग्निच्युडको भूकम्प गएको जानकारी दिएको छ।
