काठमाडौं । कर्मचारीको तलब वृद्धि गर्न सरकारले उच्चस्तरीय तलब आयोग गठन गर्ने तयारी गरेको छ । चालू आर्थिक वर्षको बजेटमा सरकारी कर्मचारीको सेवा वृद्धिका लागि उच्च स्तरीय समिति वठन गरिने व्यवस्था भएसँगै सरकारले सरकारी कर्मचारीको तलब सुविधा उच्च स्तरीय तलब आयोग गठन गर्न लागेको हो ।
सम्पूर्ण राष्ट्रसेवक कर्मचारीको तलब वृद्धि गर्नका लागि संघीय मामिला तथा सामान्य प्रशासन मन्त्रालयले आयोग गठनका लागि प्रारम्भिक गृहकार्य थालेको हो । कर्मचारीको तलब वृद्धिलाई व्यवस्थित, प्रभावकारी र समय सापेक्ष बनाउने उद्देश्यले उच्च स्तरीय तलब आयोग गठन गर्न मन्त्रालयले प्रारम्भिक गृहकार्य थालेको एक उच्च सरकारी अधिकारीले जानकारी दिएका छन् ।
अहिले मुख्य सचिवको अध्यक्षतामा पुनरावलोकन समिति बनेको छ र सोही समितिको सिफारिसका आधारमा सरकारी कर्मचारीको तलब वृद्धि हुँदै आएको छ । तर अब भने सरकारले राष्ट्रसेवक कर्मचारीको तलब वृद्धि गर्ने उद्धेश्यसहित उच्च स्तरीय आयोग गठनको तयारी थालिसकेको छ । छिट्टै सम्पूर्ण सरकारी कर्मचारीको तलब बढ्छ ।’ –एक उच्च सरकारी अधिकारीले भने ।
मन्त्रालयबाट उच्च स्तरीय तलब आयोग निर्माण प्रश्चात आयोगको सिफारिसका आधारमा सरकारी कर्मचारीको तलब वृद्धि हुनेछ ।
