‘देशको अर्थ व्यवस्थामा महत्वपूर्ण भूमिका निर्वाह गर्न रेमिट्यान्सको ठूलो योगदान छ । ती वर्गलाई महत्व दिनेगरी बोर्डले प्रस्ताव गरेको नियमावली क्याबिनेटले पास गरेको छ ।’ एक मन्त्रीले अर्थ सरोकारसँग भने -‘बोर्डबाट प्रस्ताव गरिएका नियमावली पास भएको छ । यसले अव बैध च्यानलबाट रेमिट्यान्स पठाउनेहरुको संख्या पनि बढ्ने आशा गरेका छौं ।’

सो क्याबिनेटले धितोपत्र बोर्डका तीन नियमावली पास गरेको ती मन्त्रीको भनाई छ । उनका अनुसार क्याबिनेटबाट ‘धितोपत्र व्यवसायी, धितोपत्र दलाल, धितोपत्र व्यापारी तथा बजार निर्मातासम्बन्धी नियमावली, २०६४’को संसोधनसहितको नियमावली, ‘नयाँ स्टक एक्सचेन्ज ल्याउने गरी धितोपत्र बजार संचालन नियमावली, २०७४’ को नियमावली र ‘धितोपत्र दर्ता तथा निष्काशन नियमावली २०७३’ पाँचौ संसोधन सहितको नियमावली क्याबिनेटले पास गरेको हो ।