काठमाडौं । नेकपा एमालेका अध्यक्ष केपी शर्मा ओलीले सूर्यविनायक नगरपालिकाको बालकोटमा मतदान गरेका छन् ।
उनले बालकोटस्थित महेन्द्र शान्ति विद्यालयको केन्द्रमा पुगेर मतदान गरेका हुन् । मतदान गर्नका लागि सुर्यविनायक नगरपालिका बालकोट पुगेका ओलीले यसपालीको निर्वाचन एमालेको पक्षमा हुने बताएका छन् । ‘देशैभरी सूर्यको माहोल छ’, ओलीले भने, ‘यसपालीको निर्वाचनमा सूर्य जरुर उदाउँछ ।
ओली झापा ५ बाट प्रतिनिधि सभाका उम्मेदवार हुन् । चुनाव प्रचारका लागि झापामा रहेका ओली मतदानका लागि बालकोट आएका हुन् । उनी बालकोटमा नै स्थायी रुपमा बस्दै आएका छन् ।
