रामेछाप । रामेछापमा मतदान गरेर फर्किदै गर्दा एक वृद्धको मृत्यु भएको छ । लिखु तामाकोसी गाउँपालिका ४ मा रहेको एक मतदान केन्द्रबाट फर्किदै गरेका ७१ वर्षीय ठगबहादुर सुनुवारको मृत्यु भएको हो ।
७१ वर्षीय ठगुराम मतपेटिकामा मत खसालेर मतदानकेन्द्रबाट बाहिरिने बित्तिकै बेहोस् भएका थिए । बेहोस् भएका ठगबहादुरलाई उपचारका लागि अस्पताल लैजादै गर्दा बाटोमै मृत्यु भएको प्रहरीले जनाएको छ ।
आगामी पाँच वर्षका लागि देशको नेतृत्व चयन गर्न भन्दै जसोतसो मतदानस्थलसम्म पुगेका उनको यो मतदान नै अन्तिम मतदान साबित भएको छ ।
