काठमाडौं । जीवन बीमक संघ नेपालको नयाँ कार्यसमिति चयन भएको छ । शुक्रबार सम्पन्न संघको साधारण सभाले सिटिजन्स लाईफ इन्स्योरेन्सका कार्यकारी अधिकृत पोषकराज पौडेलको नेतृत्वमा नयाँ कार्य समिति चयन गरेको हो ।

नवनिर्वाचित कार्य समितिको उपाध्यक्षमा नेपाल लाईफका प्रमुख कार्यकारी प्रवीण रमण पराजुली, महासचिव ज्योती लाईफ इन्स्योरेन्सका प्रमुख कार्यकारी अधिकृत प्रकाश विक्रम खत्री रहेका छन् ।

त्यस्तै, एशियन लाईफ इन्स्योरेन्सका प्रमुख कार्यकारी अधिकृत दिनेश लाल श्रेष्ठ कोषाध्यक्ष चुनिएका छन् भने सदस्यहरुमा क्रमशः एलपि दास(एलआइसी नेपाल), कवि फुयाल(आइएमई लाईफ) र नारायण बाबु लोहनी‌ (रिलायबल नेपाल लाईफ इन्स्योरेन्स) रहेका छन् ।