काठमाडौं । नेपाल इन्फ्रास्ट्रक्चर बैंक लिमिटेड (निफ्रा)को प्रस्तावित लाभांश बैंकको चौथो वार्षिक साधारणसभाले पारित गरेको छ । बैंकको चुक्ता पूँजीको ४.२१ प्रतिशत (९० करोड ९४ लाख ६८ हजार) नगद लाभांश दिने निर्णय सभाले पारित गरेको हो ।

नाफासँगै साधारणसभाले बैंकको प्रबन्धपत्र र नियमावलीमा संशोधन गर्ने प्रस्ताव पनि पारित गरेको छ । त्यस्तै, गत आर्थिक वर्षको वित्तीय विवरणसहितको सञ्चालक समितिको प्रतिवेदन स्वीकृत गर्ने प्रस्ताव तथा चालु आर्थिक वर्षका लागि लेखापरिक्षक नियुक्त गर्ने प्रस्ताव पनि सभाले पारित गरेको छ ।

सञ्चालनको चौथो वर्षमा रहेको निफ्राले गत असार समान्तसम्ममा ३२ अर्ब ८९ कारोड रुपैयाँको कर्जा स्वीकृत गरेको छ । त्यस्तै, सोही अवधिमा १५ अर्ब ५८ करोड बराबरको कर्जा प्रवाह गरेको छ भने १ अर्ब २ करोड रुपैयाँ खुद मुनाफा आर्जन गरेको छ ।