काठमाडौं । साताको कारोबारको तेश्रो दिन मंगलबार नेप्से परिसूचक घटेको छ । सोमबारको तुलनामा नेप्से परिसूचक ४.८७ अंकले घटेर १९३३.८८ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २३८ कम्पनीको २५ लाख ८१ हजार ४ सय २५ कित्ता सेयर खरिद बिक्री हुँदा ९६ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ८ करोड १२ लाख ३४ हजार ७ सय ९९ रुपैयाँ ८० पैसा बराबरको सेयर कारोबार भएको हो ।

यसैगरी मंगलबारको सेयर बजारमा धौलागिरी लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ८ प्रतिशत भन्दा धेरैले बढेको हो । यस अलावा सिटिजन्स म्युचुअल फण्ड-१, सपोर्ट माइक्रोफाइनान्स वित्तिय संस्था, हिमालयन बैंक लिमिटेड, खप्तड लघुवित्त वित्तिय संस्था र स्वाभिमान लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच मंगलबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ८ करोड १२ लाख ३४ हजार ७ सय ९९ रुपैयाँ ८० पैसा बराबरको सेयर कारोबार भएको हो । यस अलावा हिमालयन डिष्ट्रिलरी लिमिटेड, रिडी पावर कम्पनी, नबिल बैंक लिमिटेड, एनआइसी एशिया बैंक र आरएमडिसी लघुवित्त वित्तिय संस्थाको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः

यस्तै मंगलबारको सेयर बजारमा एनएमबि बैंकका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ६ प्रतिशत भन्दा धेरैले घटेको हो । एनएमबिको यस्तो गिरावट आउँदा एनएमबि ५०, १२% आइसीएफसी फाइनान्स लिमिटेड डेबेञ्चर २०८३, एनएमबि हाइब्रिड फण्ड एल-१, एनआइसी एशिया सेलेक्ट फण्ड ३० र रिभर फल्स पावर लिमिटेडमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः