">
- अर्थ सरोकार सम्बाददाता
काठमाडौं । हिमालय ऊर्जा विकास कम्पनीले चालु आर्थिक वर्षको तेस्रो त्रैमास वित्तीय विवरण सार्वजनिक गरेको छ । यसअवधिमा कम्पनीको नाफा ३३ लाख ३५ हजार रुपैयाँले घटेर ९ लाख ११ हजार रुपैयाँमा सीमित भएको छ । यस्तै कम्पनीको अन्य स्रोतबाट हुने आम्दानी पनि घटेको छ ।
अन्य स्रोतबाट हुने आम्दानी ४४ लाख ७८ हजार रुपैयाँले घटेर १० लाख २८ हजार रुपैयाँमा खुम्चिएको छ । चैत मसान्तसम्ममा कम्पनी चुक्ता पुँजी ९९ करोड रुपैयाँ छ भने जगेडा कोष भने ७५ लाख ५५ हजार रुपैयाँ ऋणात्मक छ । प्रतिसेयर आम्दानी ०९ पैसा र प्रतिसेयर नेटवर्थ ९९ रुपैयाँ २४ पैसा रहेको छ ।
