काठमाडौं । प्रधानमन्त्री पुष्पकमल दाहाल प्रचण्डले पद तथा गोपनियताको शपथ लिएका छन् । सोमबार शीतल निवासमा राष्ट्रपति विद्यादेवी भण्डारीबाट उनले शपथ लिएका हुन् ।
सोमबार प्रधानमन्त्री प्रचण्डसँगै ३ जना उपप्रधानमन्त्री र ४ जना मन्त्रीहरुले पनि सपथ लिएका छन् । उपप्रधानमन्त्रीहरुमा एमाले अध्यक्ष विष्णु पौडेल, माओवादीका नारायणकाजी श्रेष्ठ र रास्वपाका रवि लामिछानेले शपथ लिएका हुन् । योसँगै पौडेलले अर्थमन्त्रालय, श्रेष्ठले भौतिक प्रर्वाधार र लामिछानेले गृह मन्त्रालयको नेतृत्व गर्ने भएका छन् ।
त्यस्तै, ज्वालाकुमारी साह, दामोदर भण्डारी, राजेन्द्र राई र अब्दुल खानले मन्त्रीको रुपमा पद तथा गोपनियताको शपथ लिएका हुन् । यद्यपी, उनीहरुको कार्यविभाजन भने तोकिएको छैन ।
