काठमाडौं । नेपाल स्टक एक्सचेन्ज (नेप्से)ले साल्ट ट्रेडिङ कर्पोरेसन लिमिटेडको सेयर कारोबार रोक्का गरेको छ ।

लाभांश सम्बन्धी सूचना समयमा जानकारी नगराएको भन्दै नेप्सेले साल्ट ट्रेडिङ कर्पोरेसन लिमिटेडको सेयर कारोबार रोक्का गरेको हो । कम्पनीले बिहीबार बिहान सञ्चालक समितिको बैठक बसी १५ प्रतिशत लाभांश दिने निर्णय गरेको थियो ।

तर, सो को जानकारी कम्पनीले दोस्रो बजारमा कारोबार सुरु भईसकेपछि मात्रै जानकारी गराएको भन्दै नेप्सेले कारोबार रोक्का गरी स्पष्टिकरण सोधेको छ ।

नेप्सेका अनुसार कम्पनीले कारोबार रोक्का भएको तीन दिनभित्रमा स्पष्टिकरण पेश गर्नुपर्नेछ ।